জাতিৰ পিতা মহামানৱ মহাত্মা গান্ধীলৈ শ্ৰদ্ধা ভক্তি টিংখাঙৰ এগৰাকী পকা মিস্ত্ৰীৰ । দৈনিক কাম কৰি পোৱা টকাৰে নিজ হাতেৰে তৈয়াৰ কৰি উলিয়ালে গান্ধীৰ প্ৰতিমূৰ্তি । দেশ প্ৰেমৰ উত্তম নিদৰ্শন । জাতিৰ পিতা মহামানৱ মহাত্মা গান্ধীৰ প্ৰতিমূৰ্তি নিজ হাতেৰে তৈয়াৰ কৰি উলিয়ালে এজন পকামিষ্টিয়ে । টিংখাঙৰ পুৰণি গাঁৱৰ ফুলেশ্বৰ সন্দিকৈয়ে দৈনিক মিস্ত্ৰী কাম কৰি পোৱা টকাৰে আৰু নিজ হাতেৰে ৰ'ড, চিমেন্ট,বালিৰে নিৰ্মাণ কৰিলে জাতিৰ পিতা মহা মানৱ মহাত্মা গান্ধীৰ প্ৰতিমূৰ্তি । কোনো কাৰিকৰী শিক্ষা নোহোৱাকৈ নিপুনভাৱে নিৰ্মাণ কৰিলে গান্ধীৰ পকাৰ প্ৰতিমূৰ্তিটো। ফুলেশ্বৰ সন্দিকৈয়ে জানিব দিয়ে যে আৰ্থিক অনাটন যদিও কেৱল মাত্ৰ তেখেতৰ আদৰ্শক শ্ৰদ্ধা জনাবলৈ নিজৰ হাজিৰা কাম কৰাৰ ওপৰিও দৈনিক আজৰি সময়ত প্ৰতিমূৰ্তিটো নিৰ্মাণ কৰিছিল । আগন্তুক দিনতো এনেদৰে প্ৰতিমূৰ্তি নিৰ্মাণৰ পৰিকল্পনাৰ কথা ব্যক্ত কৰিছে ফুলেশ্বৰ সন্দিকৈয়ে । মনত শ্ৰদ্ধা, আগ্ৰহ আৰু হেপাহ থাকিলে যি কোনো কামেই কৰিব পাৰে । তাৰে প্ৰমাণ কৰি দেখুৱালে ফুলেশ্বৰ সন্দিকৈয়ে ।