সোণাৰিৰ বৰহাটত উৎকোচ লৈ আটক হ'ল লাট মণ্ডল হৰিপ্ৰসাদ দাস।
সোণাৰিৰ বৰহাটত দুৰ্নীতি নিবাৰক শাখাই গ্ৰেপ্তাৰ কৰিলে লাট মণ্ডলগৰাকীক। সাপেখাতি ৰাজহ চক্ৰৰ লাট মণ্ডল আছিল হৰি প্ৰসাদ দাস।
এক কঠা তিনি লোচা মাটি নামজাৰি কৰাৰ নামত লাট মণ্ডল হৰি প্ৰসাদ দাসে দহ হাজাৰ টকাৰ ধন দাবী কৰিছিল বৰহাটৰ মিজাছানৰ নিবাসী উৎপল দত্তক ।
এই সন্দৰ্ভত মাটিৰ গৰাকী উৎপল দত্তই দুৰ্নীতি নিবাৰক শাখাৰ সৈতে যোগাযোগ কৰাত আজি দুৰ্নীতি নিবাৰক শাখাৰ লোক আহি আটক কৰে দাসক ৷
গুৱাহাটীৰ পৰা অহা দুৰ্নীতি নিবাৰক শাখাৰ প্ৰায় দহজনীয়া দলটোৱে কেইবা ঘন্টা ধৰি সোধ পোছ কৰাৰ পাছত গুৱাহাটীলৈ লৈ গৈছে লাট মণ্ডল হৰি প্ৰসাদ দাসক ।
