কামৰূপ জিলাৰ হাজো সমষ্টিৰ অন্তৰ্গত বাৰাংহাটী অঞ্চলৰ এদল শিক্ষিত যুৱকৰ কৃষি বিপ্লৱৰ সূচনাই ৰাইজৰ মাজত সন্তুষ্টি প্ৰকাশ পাইছে৷উল্লেখ্য যে বিগত জুনমাহত অঞ্চলটোত হোৱা প্ৰলয়ংকৰী বানে কৃষক সকলক জৰুলা কৰিছিল৷তাৰ পিচতে এইসকল যুৱকে হাত সাৱতি বহি নেথাকি অসম চৰকাৰৰ কৃষি বিভাগৰ জৰিয়তে পোনতে কেইবা বিঘা মাটিত মুগুমাহৰ খেতি কৰে৷ইয়াৰ পিচতে ওচৰৰে গড়পোট বৰঘুলি পথাৰৰ কেইবা বিঘা মাটিত আলু খেতি আৰম্ভ কৰে৷চৰকাৰে যোগান ধৰা কেইবা কুইণ্টল আলুৰে আজি বীজ ৰোপনৰ শুভাৰম্ভণি কৰে৷যুৱক সকলে জানিব দিয়ামতে ইয়াৰ পিচতে সৰিয়হ খেতি কৰাৰ বাবেও প্ৰয়োজনীয় মাটি প্ৰস্তুত কৰিছে৷