ইতিহাস প্ৰসিদ্ধ কৈকৰা শিৱ মন্দিৰত কাতিমহীয়া ভাগৱত পাঠৰ সামৰণি অনুষ্ঠানটি আজি (১৭ নৱেম্বৰ'২২) দিনযোৰা মাঙ্গলিক কাৰ্যসূচীৰে সম্পন হৈ যায়। মন্দিৰ পৰিচালনা সমিতিৰ সভাপতি ভৱেন বৰুৱা আৰু সম্পাদক অপূৰ্ব ভৰদ্বাজে জনোৱা মতে আজি পুৱাৰে পৰা ভক্তপ্ৰাণ ৰাইজ শিৱ মন্দিৰলৈ আহি শৰাই নৈবেদ্য আগবঢ়াই নিজৰ নিজৰ অভিষ্ট সিদ্ধিৰ বাবে আৰাধনা কৰে। ইয়াৰ সমান্তৰালভাৱে বিশিষ্ট পুথিপাঠক ৰমেশ বৰুৱাই ভাগৱত পাঠৰ শুভাৰম্ভনী কৰাৰ পিছতে দণ্ডিৰাম বৰুৱা আৰু ব্ৰজেন বৰুৱাৰ লগতে জিলাখনৰ বিভিন্ন প্ৰান্তৰ কেইবাগৰাকীও পাঠকে ভাগৱত পাঠ কৰে । সন্ধিয়া অনুষ্ঠানৰ সামৰণি পৰে।