દેવભૂમિ દ્વારકા જિલ્લામાં ૮૧ - ખંભાળિયા વિધાનસભા અને ૮૨ - દ્વારકા વિધાનસભા માટે ૧ ડિસેમ્બરના રોજ મતદાન થનાર છે. ત્યારે જિલ્લાના મતવિસ્તારમાં વધુમાં વધુ મતદાન થાય તે હેતુથી જિલ્લા ચૂંટણી તંત્ર કાર્યરત છે. અને મતદાર જાગૃતિના વિવિધ કાર્યક્રમો યોજવામાં આવી રહ્યા છે. ખંભાળિયા તાલુકાના ભાડથર ગામે અને સલાયા નગરપાલીકા વિસ્તારમાં ચુનાવ પાઠશાળા યોજવામાં આવી હતી. અને લોકશાહીના આ અવસરમાં મતદાન કરવા, મતદાતાઓને તેમના મતદાનનું મહત્વ વિશે માહિતગાર કરવામાં આવ્યા હતા. અને અન્ય લોકોને પણ મતદાન કરવા અંગે પ્રેરણા આપવા જણાવ્યું હતું.