રાજ્ય કક્ષાએ બે દિવસ માટે ભાવનગર રીજયોનલ સાયન્સ સેન્ટર ખાતે યોજાયેલા વિજ્ઞાન નાટ્ય સ્પર્ધામાં મહિસાગર જીલ્લાનું પ્રતિનિધિત્વ લુણાવાડાની કલરવ વિદ્યામંદિરની ટીમ કરવા જઈ રહી છે. મહિસાગર જીલ્લા લોક વિજ્ઞાન કેન્દ્ર દ્વારા મહિસાગર જિલ્લાની ટીમ વિજય મેળવે તેવી શુભેચ્છા પાઠવી હતી. પ્રતિવર્ષ નેશનલ કાઉન્સીલ ઓફ સાયન્સ મ્યૂઝીયમ અને ગુજકોસ્ટના સંયુકત ઉપક્રમે આ સ્પર્ધા યોજાતી હોય છે. જેમા રાજય કક્ષાએ દરેક જીલ્લા દીઠ એક બાળકોની ટીમ પસંદ થતી હોય છે. ત્યાર બાદ રાજ્ય કક્ષાએ પ્રથમ આવનાર બાળકોની નાટકની ટીમ જે તે રાજયનું રાષ્ટ્રીય કક્ષાની વિજ્ઞાન નાટ્ય સ્પ ર્ધામાં પ્રતિનિધિત્વ કરતી હોય છે. આ વર્ષે મહીસાગર જીલ્લાને આ તક મળતા જીતની આશા વ્યક્ત કરી હતી.