૧૨-પાલનપુર વિધાનસભા મતદાર વિભાગમાં ચુંટણી ખર્ચ ઉપર દેખરેખ રહે તે હેતુથી વાહનોનું ચેકીંગ હાથ ધરાયુઃ સ્ટેટીક સર્વેલન્સ ટીમ (SST) ની કુલ ૭૫ ટીમો ૨૪ કલાક કાર્યરત
વિધાનસભા સામાન્ય ચૂંટણી-૨૦૨૨ અંતર્ગત ૧૨-પાલનપુર વિધાનસભા મતદાર વિભાગમાં ચૂંટણી ખર્ચ ઉપર દેખરેખ રહે તે હેતુથી અમદાવાદ હઇાવે ઉપર એસ્બીપુરા પાટીયા, જુના આર.ટી.ઓ.ચેક પોસ્ટ, ગઢ-સામઢી રોડ, ધનિયાણા ચોકડી તથા એરોમા સર્કલ વિગેરે પાંચ જકાતનાકા ઉપર સ્ટેટીક સર્વેલન્સ ટીમ (SST) ની કુલ- ૭૫ ટીમો ૨૪ કલાક કાર્યરત કરવામાં આવી છે. દરેક ટીમો દ્વારા પાલનપુર વિધાનસભા મતદાર વિભાગમાં આવતા વાહનોનુ ચેકિંગ કરી તેમાં કોઈ શંકાસ્પદ વસ્તુ, રોકડ કે અન્ય માદક પદાર્થ મળી આવે તો તેની સામો ચૂંટણી પંચની જોગવાઈ મુજબ કામગીરી કરવામાં આવશે તેમ ૧૨-પાલનપુર વિધાનસભા મતદાર વિભાગ અને પ્રાંત અધિકારી સુશીલ પરમારની અખબારી યાદીમાં જણાવ્યું છે.
