ৰজাবাৰী সমষ্টিত জয়লাভ কৰাৰ পাছতেই সমৰ্থকৰ সৈতে মাহমৰাৰ কোৰোকানিত নাচিলে বিজেপিৰ প্ৰাৰ্থী ভৈৰৱ দেউৰীয়ে।৭নং ৰজাবাৰী পৰিষদীয় সমষ্টিত ভৈৰৱ দেউৰীৰ জয়লাভ।দেউৰী স্বায়ত্ব শাসিত পৰিষদৰ আজি ঘোষিত নিৰ্বাচনৰ ফলাফল অনুসৰি ৭ নম্বৰ ৰজাবাৰী পৰিষদীয় সমষ্টিত বিজেপিৰ প্ৰাৰ্থী ভৈৰৱ দেউৰীয়ে জয় লাভ কৰিছে।তেওঁৰ জয় লাভে প্ৰাৰ্থী গৰাকীৰ নিজা গাওঁ কোৰোকানি দেউৰী গাঁৱত এক উৎসৱ মুখৰ পৰিৱেশৰ সৃষ্টি হয়।উল্লেখ্য যে বিজেপি প্ৰাৰ্থী গৰাকীয়ে ৯৭০ টা ভোট লাভ কৰাৰ বিপৰীতে নিৰ্দলীয় প্ৰাৰ্থী বৈকুন্ঠ দেউৰীয়ে ৪১৭ আৰু অসম জাতীয় পৰিষদৰ দীপাঞ্জল দেউৰীয়ে ১১৭ টা ভোট লাভ কৰে।আনহাতে ,জয়লাভৰ পাছত দেউৰীয়ে জনসাধাৰণে চৰকাৰৰ কল্যাণকামী কামৰ বাবেই বিজেপিক ভোটদান কৰে বুলি মন্তব্য কৰে।