કેવડિયા કોલોની કેટેગરી ત્રણ પાસે પાછળના ભાગેથી ઘરમાં પ્રવેશ કરી સોનાના દાગીના તથા રોકડ રૂપિયાની ચોરી કરતા વિસ્તારમાં ચકચાર મચી
પ્રાપ્ત વિગત અનુસાર કેવડીયા કોલોની પતરા કેટેગરી ત્રણની બાજુમાં આવેલા આ કામના ફરિયાદી હસમુખભાઈ કાંતિભાઈ તડવી ના પતરાના સેડના ઘરમાં કોઈ અજાણ્યો ચોર ઇસમ ઘરની પાછળના ભાગેથી પતરાના સેડ નું પતરું વાળી ઘરની અંદર પ્રવેશ કરીને ઘરના પલંગ ઉપર તકિયા નીચે મૂકેલી તિજોરીની ચાવી લઈને તિજોરી ખોલી તિજોરીમાં મુકેલા કાને પહેરવાના સોનાના બે જોડી ઝુમ્મર તથા ચાંદીની વીંટી અને રોકડા રૂપિયા 8000 મળી કુલ 22,500 ના મુદ્દા માલની ચોરી કરીને ફરાર થયો હોવાની ઘટના બની હોવાનું જાણવા મળેલ છે સદર ઘટનાની જાણ કેવડીયા પોલીસને થતા કેવડિયા પોલીસ સ્ટાફના માણસો તાત્કાલિક ઘટના સ્થળ પર દોડી આવ્યા હતા અને અજાણ્યા ચોર ઈસમ વિરુદ્ધ કાયદેસર ગુનો દાખલ કરીને આગળની કાર્યવાહી હાથ ધરી છે
