মাজুলীৰ সমাজ কল্যাণ বিভাগৰ অধীনত আৰু মাজুলীৰ স্বাস্থ্য বিভাগৰ সহযোগত বিশ্ব স্তনপান সপ্তাহ ২০২২ ৰ লগত সংগতি ৰাখি মাজুলী আৰু উজনি মাজুলী সংহত শিশু উন্নয়নৰ অধীনত থকা অংগনবাদী কেন্দ্ৰ এলেকা সমূহত গাওঁ স্বাস্থ্য অনাময় আৰু পুষ্টি দিৱস পালন কৰা হয়৷ উক্ত দিৱসৰ কাৰ্যসূচী সমূহত স্বাস্থ্য বিভাগৰ আশা, আশা মুখ্যসেৱিকা, সমাজ কল্যাণ বিভাগৰ মুখ্যসেৱিকা, অংগনবাদী কৰ্মী আৰু কেন্দ্ৰ এলেকাৰ গৰ্ভৱতী মহিলা, প্ৰসূতি মাতৃ, কিশোৰী, শিশুৰ লগতে গণ্য মান্য ব্যক্তিসকল উপস্থিত থাকে৷ স্বাস্থ্য বিভাগৰ তৰফৰ পৰা উপস্থিত সকলোৰে স্বাস্থ্য পৰীক্ষা আৰু চিকিৎসা কৰাৰ লগতে বিশ্ব স্তনপান সপ্তাহৰ গুৰুত্বৰ বিষয়ে অৱগত কৰা হয়৷ শিশু সকলক সুস্থ সবল কৰি গঢ়ি তুলিবৰ বাবে শিশুটি মাতৃৰ গৰ্ভত স্থিতি লোৱাৰ পৰা কি কি খাদ্য গ্ৰহণ কৰিব লাগে আৰু শিশুটি জন্মলোৱাৰ পিছত কেনেধৰণৰ যতন ল’ব লাগে সেই বিষয়েও আলোচনা কৰা হয়৷ তাৰোপৰি অসম মহিলা আৰু শিশু উন্নয়ন বিভাগে প্ৰেৰণ কৰা পুতলা শিল্পৰ দ্বাৰা স্তনপান সপ্তাহ ২০২২ ৰ উপলক্ষে নিৰ্মিত সজাগতা মূলক দৃশ্য-শ্ৰৱ্য প্ৰদৰ্শন কৰা হয়।