অসম জাতীয়তাবাদী যুৱ-ছাত্ৰ পৰিষদ নাজিৰা আঞ্চলিক সমিতিৰ নতুন সমিতি গঠন। অসম আৰু অসমীয়াৰ স্বাৰ্থত সংগ্রাম কৰি অহা অদ্বিতীয় ছাত্র সংগঠন অসম জাতীয়তাবাদী যুৱ-ছাত্ৰ পৰিষদ নাজিৰা আঞ্চলিক সমিতিখন পুনৰ গঠন কৰা হয়। বাঁহগড়া নাট্য মন্দিৰত আয়োজিত প্ৰতিনিধি সভাৰ পূৰ্বে সুধা কণ্ঠ ড০ ভূপেন হাজৰিকাৰ প্ৰতিচ্ছবি ৰ আগত বন্তি প্ৰজ্বলন কৰি শ্ৰদ্ধাঞ্জলি জ্ঞাপন কৰা হয়। ইয়াৰ পিছতে অসম জাতীয়তাবাদী যুৱ-ছাত্ৰ পৰিষদ নাজিৰা আঞ্চলিক সমিতিৰ সভাপতি বুবলু দত্তৰ সভাপতিত্বত আৰম্ভ হোৱা সভাৰ উদ্দেশ্য ব্যাখা কৰে ভাৰপ্ৰাপ্ত সাধাৰণ সম্পাদক যাদৱজ্যোতি বড়ায়ে। অসম জাতীয়তাবাদী যুৱ-ছাত্ৰ পৰিষদ নাজিৰা আঞ্চলিক সমিতিৰ উপদেষ্টা তথা শিৱসাগৰ জিলা সমিতিৰ নেতৃত্বক্ৰমে ভাস্কৰ জ্যোতি মহন্ত, শংকুমণি কলিতাকে ধৰি নাজিৰা উপদেষ্টা পাপু ৰহমান লগতে পৰ্যবেক্ষক হিচাপে উপস্থিত থাকে জিলা সমিতিৰ নেতৃত্বক্ৰমে দাদুল নেওগ আৰু অভিজিৎ গগৈ।উক্ত সভাতেই সৰ্বসন্মতিক্ৰমে দাদুল নেওগ,ভাস্কৰ জ্যোতি মহন্ত, শংকুমণি কলিতা,পাপু ৰহমান,বিকী বৰচেতিয়াক উপদেষ্টা, বুবলু দত্তক সভাপতি, কিৰণ ফুকন, তৌফিক আলিক উপ সভাপতি, যাদৱজ্যোতি বড়াক সাধাৰণ সম্পাদক,চাজিদ হুচেইন,ৰাজীৱ কূৰ্মীক যুটীয়া সম্পাদক হিচাপে লৈ এখন সবল নাজিৰা আঞ্চলিক সমিতি গঠন কৰে। অনাগত দিনত নাজিৰাত সংগঠন টি আগবঢ়াই নিয়াত সকলোৰে সহায় সহযোগিতা কামনা কৰে।