হৰিনামৰ ৰসেৰে মুখৰিত হৈছে সাপেখাতি। সোণাৰিৰ সাপেখাতিত আজিৰেপৰা তিনিদিনীয়া কাৰ্যসূচীৰে অনুষ্ঠিত হৈছে শ্ৰীমন্ত শংকৰদেৱ সংঘৰ বিশেষ কাৰ্যসূচী। সাপেখাতিৰ সুকুমাৰ বৰুৱা আৰু শিৱপ্ৰসাদ বৰুৱা সমন্বয় ক্ষেত্ৰত অনুষ্ঠিত হৈছে শ্ৰীমন্ত শংকৰদেৱ সংঘৰ ২৯ সংখ্যক কেন্দ্ৰীয় শিশু, যুৱ আৰু আই মাতৃ সমাৰোহ। ৰাজ্যৰ বিভিন্ন প্ৰান্তৰ লগতে উত্তৰ-পূৰ্বাঞ্চলৰ কেইবাখনো ৰাজ্যৰ ভক্তৰ সমাবেশেৰে অনুষ্ঠিত হোৱা এই সমাৰোহৰ মুখ্য তোৰণ উন্মোচনেৰে শুভাৰম্ভ হোৱা সমাৰোহস্থলী এতিয়া উদুলি-মুদুলি পৰিৱেশে বিৰাজ কৰিছে।