চৰাইদেউ জিলাৰ লংপতীয়া জুটুলনি অঞ্চলৰ দুটা পৰিয়ালে বৌদ্ধ বিহাৰ চাবলৈ গৈ শ্ৰীমন্ত শংকৰদেৱ সংঘৰ সদস্য পদ ত্যাগ কৰাৰ খবৰ প্ৰকাশৰ পাছতে ৰহন শ্যাম গাৱঁৰ বৌদ্ধ সমাজে  সোমবাৰে এখন সংবাদ মেল অনুষ্ঠিত কৰে। ৰহন শ্যাম গাৱঁৰ আনন্দ বৌদ্ধ বিহাৰত অনুষ্ঠিত হয় সংবাদমেল। সমগ্ৰ ঘটনা সন্দৰ্ভত আশ্বৰ্য প্ৰকাশ কৰাৰ লগতে এই বিষয়ত অধিক বিতৰ্কৰ মাজলৈ যাব বিচৰা নাই ৰহন শ্যাম গাৱঁৰ বৌদ্ধ সমাজ।