શ્રી બ્રહ્મ સમાજ સેવા ટ્રસ્ટ, મહેસાણા આયોજિત વિદ્યોત્તેજક સન્માન કાર્યક્રમમાં કડી તાલુકાની મેરડા પ્રાથમિક શાળાના શિક્ષકશ્રી ભટ્ટ નમ્રતાબેન અનિરુદ્ધનું સન્માન થયું.

          તા. 30-10-2022ના રોજ અમદાવાદ એસ એન બ્લુ હોટેલ ખાતે મહેસાણા જિલ્લાના શિક્ષક મિત્રો જેમણે શિક્ષણ ક્ષેત્રે પોતાનું વિશેષ યોગદાન આપીને તાલુકા કક્ષા, જિલ્લા કક્ષા, રાજયકક્ષા તેમજ રાષ્ટ્રકક્ષા સુધી એવોર્ડ મેળવેલ છે તેવા શ્રેષ્ઠ સારસ્વતો માટે વિદ્યોતેજક સન્માન કાર્યક્રમ શ્રી બ્રહ્મ સમાજ સેવા ટ્રસ્ટ, મહેસાણાના સહયોગથી અને ગુજરાત રાજ્ય માધ્યમિક શિક્ષણ બોર્ડના મદદનીશ સચિવશ્રી અને ભૂતપૂર્વ નાયબ જિલ્લા પ્રાથમિક શિક્ષણાધિકારીશ્રી પુલકિતભાઈ જોષી ની પ્રેરણાથી યોજાયો. શિક્ષણવિદ શ્રી ગજેન્દ્રકુમાર જોષી ના માર્ગદર્શન તળે અને તેઓના અધ્યક્ષસ્થાને યોજાયેલ આ કાર્યક્રમમાં સર્વ શિક્ષા અભિયાન સચિવ શ્રી એમ.પી. મહેતા,નિયામક શ્રી GSEB અને GIET ગાંધીનગર શ્રી એમ.કે રાવલ , મદદનીશ સચિવ, ગુ.મા.શિ.બોર્ડ શ્રી તુષારભાઈ મહેતા, વેદ ઈન્ટરનેશનલ સ્કૂલના સંચાલક શ્રી ધર્મેશભાઈ પટેલ, શાસ્રી શ્રી કલ્પેશભાઈ જોષી, રાજકીય અગ્રણી શ્રી ભાસ્કરભાઈ ઠાકર વગેરેએ શ્રેષ્ઠ શિક્ષકોને સન્માન પત્ર આપ્યાં તથા ખૂબ જરૂરી જ્ઞાનવર્ધક ભાથું પીરસ્યું. શ્રી બ્રહ્મ સમાજ સેવા ટ્રસ્ટ, મહેસાણાના પ્રમુખશ્રી નરેશકુમાર દવેએ પોતાના ટ્રસ્ટનાં સેવાકીય કાર્યોની વિગતો આપી.

તેમાં તેઓના સ્વભાવની સરળતાનાં તથા શિક્ષકો માટેના આદરનાં દર્શન થયાં. નવા વર્ષે કેટલાક નૂતન વિચારો સાથેનું આ સજ્જતાવર્ધક સ્નેહમિલન આજીવન સંભારણું બની રહેશે તે ભાવ સાથે સૌ છૂટા પડ્યા. આ કાર્યકમમાં મહેસાણા જિલ્લાના ૧૬૦ થી વધુ શ્રેષ્ઠ શિક્ષકોના સન્માન સાથે કડી તાલુકાની મેરડા પ્રાથમિક શાળાના શિક્ષક શ્રી ભટ્ટ નમ્રતાબેન અનિરુદ્ધ નું પણ સન્માન થયું.