मालेगाव शहरातील जोगदंड कॉम्प्लेक्समध्ये असलेल्या जिल्हा सहकारी बँकेच्या गटसचिव कार्यालयात आज सायंकाळी 5 ते 6 च्या दरम्यान गटसचिव सतीश भगवान चव्हाण (वय 28, रा. वरदरी बुजुर्ग) यांनी पंख्याला गळफास घेऊन आत्महत्या केल्याची घटना उघडकीस आली आहे. गटसचिवाच्या आत्महत्येची माहिती मिळताच मालेगांव चे ठाणेदार किरण वानखेडे, सहाय्यक पोलीस निरीक्षक तानाजी गव्हाणे, पोलीस उपनिरीक्षक राहुल गंधे, पोलीस हेडकॉन्स्टेबल गजानन झगरे, कैलास कोकाटे आदींनी तात्काळ घटनास्थळ गाठुन मृतदेहाचा पंचनामा करून शवविच्छेदनासाठी मालेगाव च्या ग्रामीण रुग्णालयात पाठविला.वृत्त लिहिपर्यंत आत्महत्येचे कारण समोर आले नव्हते.