सर्वत्र मोठ्या आनंदात दिवाळी साजरी केली जात असताना मागील ४८ तासांमध्ये पाच जणांनी आत्महत्या केली . यातील चौघे अवघे १७ ते २१ वयोगटातील तरुण - तरुणी आहेत . नर्सिंगचे शिक्षण घेणारी कोमल रामसिंग जाधव ( १ ९ ) ही कुटुंबासह मुकुंदवाडीतील मुकुंदनगरात राहत होती . महिनाभरापूर्वी तिच्या आईचे निधन झाल्याने ती खचली होती . तेव्हापासून ती घरात शांत राहत होती . २७ ऑक्टोबर रोजी दुपारी साडेचार वाजता तिने खोलीत गळफास घेतला . कुटुंबातील सदस्यांनी आरडाओरड करताच शेजारच्यांनी धाव घेतली . पोलिसांना कळवून योगेश राठोड , विजय पवार यांनी तिला घाटीत दाखल केले . मात्र तोपर्यंत तिचा मृत्यू झालेला होता . दुसऱ्या घटनेत विशालनगरातील दिलीप विनायक घोडके ( ४६ ) यांनी २६ ऑक्टोबर रोजी दुपारी तीन वाजता पहिल्या मजल्यावरील स्वयंपाकघरात गळफास घेतला . घटनेची नोंद जवाहरनगर पोलिस ठाण्यात करण्यात आली आहे . तर बीड बायपास येथे राहणाऱ्या शेख आवेज शेख इमाम ( २१ ) या तरुणाने एमआयटीसमोरील अथर्व बिल्डर्सच्या साइटवर जाऊन गळफास घेत आत्महत्या केली . याप्रकरणी सातारा पोलिसांत घटनेची नोंद करण्यात आली आहे .चौथ्या घटनेत सिद्धार्थनगरातील प्रांजल संजय गायकवाड ( १७ ) हिने २७ ऑक्टोबर रोजी गळफास घेत आयुष्य संपवले . तिला घाटीत दाखल केले . मात्र , डॉक्टरांनी तपासून मृत घोषित केले . सिडको पोलिस ठाण्यात अकस्मात मृत्यूची नोंद करण्यात आली . तर पाचव्या घटनेत धूत रुग्णालयासमोरील मूर्तिजापूर येथील महाविद्यालयीन शिक्षण घेणारा विद्यार्थी रोहित भागवत शिंदे ( २० ) याने गळफास घेतला . ही घटना २६ ऑक्टोबर रोजी सकाळी दहा वाजता उघडकीस आली