বিশিষ্ট অভিনেতা প্ৰয়াত নিপন গোস্বামীলৈ  শ্ৰদ্ধাঞ্জলি জ্ঞাপন যুৱ-ছাত্ৰ পৰিষদৰ দেওমৰনৈ আঞ্চলিক সমিতিৰ । অসম জাতীয়তাবাদী যুৱ ছাত্ৰ পৰিষদৰ দেওমৰনৈ আঞ্চলিক সমিতিয়ে বালিপোতা শাখা সমিতিৰ সহযোগত আজি সন্ধিয়া প্ৰয়াত নিপন গোস্বামীলৈ শ্ৰদ্ধাঞ্জলি জ্ঞাপন কৰে। শ্ৰদ্ধাঞ্জলি অনুষ্ঠানত অসম জাতীয়তাবাদী যুৱ ছাত্ৰ পৰিষদৰ দৰং জিলা সমিতিৰ উপদেষ্টা নৱজিৎ শৰ্মা, জিলা সভাপতি দিগন্ত ডেকা, সাংগঠনিক সম্পাদক নাৰায়ণ ডেকা, দেওমৰনৈ আঞ্চলিক সমিতিৰ সভাপতি কমলা ডেকা, সাধাৰণ সম্পাদক বিপুল কুমাৰ নাথ, বালিপোতা শাখা সমিতিৰ সভাপতি ৰাজু ডেকা, সাধাৰণ সম্পাদক জয়ন্ত নাথ  প্ৰমুখ্যে পৰিষদৰ সদস্য-সদস্যা সকলে অংশগ্ৰহণ কৰে। উল্লেখযোগ্য যে অসমৰ বোলছবি তথা নাট্য জগতৰ প্ৰবীণ অভিনেতা গৰাকীৰ আজি পুৱা ৯-১৫ বজাত হৃদৰোগত আক্ৰান্ত হৈ পৰলোকপ্ৰাপ্তি ঘটে।