অহা ৬ নৱেম্বৰত চৰাইদেউ জিলা বন্ধ ঘোষণা নকৰিবলৈ টাই আহোম যুৱ পৰিষদ অসমক কৰযোৰে আহ্বান শ্ৰীমন্ত শংকৰদেৱ সংঘৰ শিশু, যুৱ, আই মাতৃ সমাৰোহ উদযাপন সমিতিৰ। চৰাইদেউ জিলাৰ লগতে সাপেখাতিৰ ঐতিহ্য অটুত ৰাখিবলৈ সকলোকে আহ্বান উদযাপন সমিতিৰ। উল্লেখ্য যে, চকলং বিবাহ অনুষ্ঠানত উপস্থিত থকাৰ বাবেই মৰিয়নিৰ নকছাৰীৰ চাৰিটা পৰিয়ালক এঘৰীয়া কৰা সন্দৰ্ভত বিতৰ্ক সৃষ্টি হৈ থকা সময়তে টাইপালৈ এই আহ্বান আয়োজক সমিতিৰ। উল্লেখ্য যে অহা ৪, ৫ আৰু ৬ নৱেম্বৰত চৰাইদেউ জিলাৰ সাপেখাতিত অনুষ্ঠিত হবলগীয়া শ্ৰীমন্ত শংকৰদেৱ সংঘৰ কেন্দ্ৰীয় শিশু যুৱ আই মাতৃ সমাৰোহৰ পূৰ্বে সংঘই ক্ষমা নুখুজিলে অহা ৬ নৱেম্বৰত চৰাইদেউ জিলা বন্ধ ঘোষণা কৰা হ'ব বুলি মন্তব্য কৰিছিল টাইপাই। ইয়াৰ পৰিপ্ৰেক্ষিতত চকলং বিবাহ কেন্দ্ৰীক ঘটনাৰ অভিকেন্দ্ৰ যিহেতু চৰাইদেউ জিলা নহয় সেয়েহে জিলাবাসীৰ ঐক্য -সম্প্ৰীতি অটুত ৰখাৰ স্বাৰ্থত উক্ত দিনকেইটাত প্ৰতিবাদ নকৰিবলৈ টাইপাৰ প্ৰতি কৰযোৰে আহ্বান জনাইছে উদযাপন সমিতিয়ে।