নাৰায়ণপুৰ ৰাজহচক্ৰৰ অন্তৰ্গত খেৰাজখাট মৌজাৰ অগ্ৰনী উচ্চ শিক্ষাৰ অনুষ্ঠান খেৰাজখাত উচ্চতৰ মাধ্যমিক বিদ্যালয়ৰ ১৯৮২ বৰ্ষৰ সহপাৰ্ঠীসকলৰ এখন সন্মিলন আজি বিদ্যালয় খনত অনুষ্ঠিত হয় ৷ বিদ্যালয় খনত ১৯৮২ চনৰ দশম শ্ৰেণীত অধ্যয়ণ কৰা প্ৰাক্তন ছাত্ৰ-ছাত্ৰীসকলে শনিবাৰৰ দিনটোত বিভিন্ন কাৰ্যসুচীৰে সহপাঠী সন্মিলন খন অনুষ্ঠিত কৰে ৷ সেই অনুসৰি পুৱা পতাকা উত্তোলন কৰে উদ্‌যাপন সমিতিৰ সভাপতি পুংদা মানলুঙে , স্মৃতি তৰ্পন কৰে উদ্‌যাপন সমিতিৰ সম্পাদক যতীন চন্দ্ৰ বৰাই ৷ গছ পুলি ৰোপন প্ৰাক্তন ছাত্ৰ ৰূপা মানচে্‌ ৷ পুৱা ১১ বজাৰ পৰা বিদ্যালয় প্ৰেক্ষাগৃহত অনুষ্ঠিত হয় সম্বৰ্দ্ধনা সভা আৰু শৈক্ষিক সন্মিলন ৷ সভাখনত সভাপতিত্ব কৰে খেৰাজখাত উঃমাঃ বিদ্যালয় পৰিচালনা আৰু উন্নয়ণ সমিতিৰ সভাপতি ৰবিন শইকীয়াই ৷ উদ্ধোধন কৰে খেৰাজখাত উচ্চতৰ মাধ্যমিক বিদ্যালয়ৰ অধ্যক্ষ বিপুল দাসে ৷ সভাখনত মুখ্য বক্তা ৰুপে উপস্থিত থাকে বিদ্যালয় খনৰ অৱসৰপ্ৰাপ্ত অধ্যক্ষ চন্দ্ৰনাথ শইকীয়া আৰু ভাৰতীয় প্ৰশাসনিক বিষয়া যাদৱ শইকীয়াই ৷ সভাতে প্ৰাক্তন ছাত্ৰ বলিন ভূঞাৰ সম্পাদনাৰ স্মৃতিগ্ৰন্থ ‘ৰোমন্থন’ উন্মোচন কৰে খেৰাজখাত চিনিয়ৰ ছেকেণ্ডাৰী স্কুলৰ অধ্যক্ষ বীৰেন বৰাই ৷ দুপৰীয়া “সতীৰ্থ সুবাস” নামেৰে সতীৰ্থ সকলৰ মাজত অন্তৰঙ্গ আলাপ অনুষ্ঠান অনুষ্ঠিত হয় ৷