বহি:ৰাষ্ট্ৰত কৰ্মৰত অসমৰ যুৱকৰ মৃত্যু ৷ 

যুৱকজন হোজাইৰ নীলবাগানৰ সদৰ গাঁৱৰ ইমৰান হুছেইন (বয়স- ২৭)৷

যুৱকজন ৮ মাহমান পূৰ্বে সংযুক্ত আৰৱ এমিৰাতৰ ডুবাইস্থিত ' উদ আল আনফৰ পাৰফিউম ডুবাই কোম্পানীত কৰ্মসুত্ৰে গৈছিল ৷

কাম কৰি থকা অৱস্থাত শুক্ৰবাৰে বিয়লি চাৰি বজাত হঠাৎ অসুস্থ হোৱাত ইমৰানক ততাতৈয়াকৈ তাৰে এখন চিকিৎসালয়ত ভৰ্তি কৰা হয় যদিওঁ পাছত যুৱকজনৰ মৃত্যু হয় ৷ 

পৰিয়ালৰ একমাত্ৰ উপাৰ্জনকাৰী যুৱকজনৰ মৃত্যু হোৱাত পৰিয়ালটোৰ মাজত এক হাহাকাৰময় পৰিস্থিতিৰ সৃষ্টি হৈছে ৷ 

মৃত যুৱক ইমাৰানে নিজ পত্নী দুগৰাকী সন্তানৰ লগতে পিতৃ মাতৃ আৰু পৰিয়ালৰ আন আন সদস্যক ইহ সংসাৰত এৰি থৈ যায় ৷ 

সৰবৰহী যুৱকজনৰ হঠাৎ মৃত্যু হোৱাত পৰিয়ালৰ লগতে গাওঁবাসী শোকত ভাগি পৰিছে ৷ 

পৰিয়ালৰ লোকে জানিবলৈ দিয়া মতে ইতিমধ্যে কোম্পানীটোৰ মালিক মৌলানা মুস্তাক আনফৰে মৃতদেহটো নিজ ঘৰলৈ পঠোৱাৰ যো-জা চলাইছে ৷