যোৱা ইং ১৯ /১০ /২০২২ তাৰিখে বীৰ লাচিত সেনা , অসম নাজিৰা মহকুমা সমিতিৰ সভাপতি প্ৰাঞ্জল শইকীয়া ডাঙৰীয়াৰ সভাপতিত্বত নাজিৰা প্ৰেছ ক্লাৱত মহকুমা সমিতিৰ বিশেষ প্ৰতিনিধি সভা অনুষ্ঠিত হৈ যায় । বীৰ লাচিত সেনা , অসমৰ পবিত্ৰ সংবিধানৰ নিয়ম অনুসৰি মহকুমা সমিতিৰ পৰিবৰ্তে এটা সমষ্টিক সাঙুৰি এখন আঞ্চলিক সমিতি গঠন কৰা আৰু অঞ্চল ভিত্তিক শাখা সমিতি আৰু গাওঁ ভিত্তিক প্ৰশাখা সমিতি গঠন কৰা ৰ যি নীতি সেই নীতিৰ আধাৰত নাজিৰা মহকুমা সমিতিখন ভংগ কৰি বৃহত্তৰ নাজিৰা আঞ্চলিক সমিতি গঠন কৰা হয় আৰু মহকুমা সমিতি ৰ অন্তগৰ্ত সকলো আঞ্চলিক সমিতিক শাখা সমিতিলৈ ৰূপান্তৰিত কৰা হয় । পাছৰ পয্যায়ত কেন্দ্ৰীয় কাৰ্যনিৰ্বাহক মাৰ্ধূয্য ৰাজকোঁৱৰ ডাঙৰীয়া ই সভাপতিত্ব কৰি বিজয় চৰাইমূৰীয়াক সভাপতি , উদ্ধৱ গগৈক উপ-সভাপতি , কৃষ্ণকান্ত কোঁৱৰক মুখ্য সচিব , উজ্জ্বল গগৈ আৰু বিদিত সন্দিকৈক যুটীয়া সচিব , মুনীন্দ্ৰ চেতিয়াক মুখ্য সাংগঠনিক সচিব , বিতুপন শইকীয়াক যুটীয়া সাংগঠনিক সচিব , অৰিন্দম শইকীয়া আৰু মিঠু সন্দিকৈক প্ৰশাসনিক সচিব , ৰিতুপন সন্দিকৈ আৰু ৰিতুৰাজ সন্দিকৈক তথ্য আৰু প্ৰচাৰ সচিব , প্ৰাঞ্জল গগৈক ক্ৰিয়া সচিব ( শিমলুগুৰি ), প্ৰাঞ্জল গগৈক ( লক্ষ্মীজান ) শিক্ষা সচিব , মানস সন্দিকৈক কাৰ্যলয় সচিব আৰু প্ৰতিখন শাখা সমিতিৰ সভাপতি / সচিব সকলক আঞ্চলিকৰ কাৰ্যনিৰ্বাহক হিচাপে ধৰি ২০ জনীয়া শক্তিশালী বৃহত্তৰ নাজিৰা আঞ্চলিক সমিতিখন গঠন কৰা হয় । উক্ত সভাই পূৰ্ব ৰ নাজিৰা মহকুমা সমিতি সভাপতি প্ৰাঞ্জল শইকীয়া , যুটীয়া সচিব অনুপম সন্দিকৈ , জয়দ্বীপ দিহিঙীয়া , সাংগঠনিক সচিব দীপাংকৰ বেজবৰুৱা , শিক্ষা সচিব ত্ৰৈলোক্য ৰাইদঙীয়াক শিৱসাগৰ জিলা সমিতিলৈ প্ৰতিনিধি হিচাপে প্ৰেৰণ কৰে । উক্ত সভাত আমগুৰি আঞ্চলিক সমিতি উপদেষ্টা উদয় আদিত্য বড়া ,জিলা তদৰ্থ সমিতি অনুপম সন্দিকৈ ,পংকজ দাস আৰু মবিদুৰ ৰহমান উপস্থিত থাকে । অনাগত দিনত নতুন সমিতিখনে নাজিৰা বিভিন্ন সমস্যা সমাধানৰ ওপৰত সবল ভূমিকা পালন কৰিব বুলি জনাই ।