শিৱসাগৰত প্ৰথমবাৰৰ বাবে আনুষ্ঠানিকভাৱে মহাবিদ্যালয় সমূহৰ মাজত অনুষ্ঠিত হ'ল TUG OF WAR তথা ৰছী টনা প্ৰতিযোগিতা। শিৱসাগৰ জিলা টাগ অফ ৱাৰ এছচিয়েচনৰ উদ্যোগত বৰ্ডিং খেলপথাৰত জিলা ভিত্তিত অনুষ্ঠিত হয় আন্তঃমহাবিদ্যালয় ৰছী টনা প্ৰতিযোগিতা। প্ৰতিযোগিতা খন উদ্বোধন কৰে বিশিষ্ট ক্ৰীড়াবিদ অৰ্জুন ভোগেশ্বৰ বৰুৱাই। ৰজা মহাৰজা দিনৰ পৰাই ৰছী টনা খেল খেলা বুলি আমি জানো। এতিয়া আনুষ্ঠানিকভাৱে এই ৰছী টনা খেল অনুষ্ঠিত কৰাটো ভাল খবৰ। - প্ৰতিযোগিতাখন উদ্বোধন কৰি এই মন্তব্য কৰে অৰ্জুন ভোগেশ্বৰ বৰুৱাই। ডিব্ৰুগড় বিশ্ববিদ্যালয়ৰ অনুমোদিত শিৱসাগৰ জিলাৰ ১৫ মহাবিদ্যালয়ৰ দলে এই প্ৰতিযোগিতাত অংশগ্ৰহণ কৰে। লক্ষ্যণীয় যে ৰছী টনা প্ৰতিযোগিতাত অংশগ্ৰহণ কৰা ছাত্ৰ ছাত্ৰী সকলৰ মাজত দেখা যায় ব্যাপক উছাহ।শিৱসাগৰৰ বৰ্ডিং খেলপথাৰত আন্ত:মহাবিদ্যালয়ৰ মাজত অনুষ্ঠিত Tug Of War প্ৰতিযোগিতা