ভাৰতীয় জনতা পাৰ্টীৰ চৰাইদেউ জিলা কৃষক মৰ্চাৰ উদ্যোগত, মাহমৰা মণ্ডল কৃষক মৰ্চা, নিজখালৈঘুগুৰা আৰু ডবা পঞ্চায়তৰ কৃষক মৰ্চাৰ উদ্যোগত আজি চৰাইদেউ জিলাৰ মাহমৰা সমষ্টিৰ অন্তৰ্গত লাইচেঙত অৱস্থিত খাৰঘৰীয়া ডবা মজলীয়া বিদ্যালয়ৰ প্ৰাঙ্গনত এশ এগচি বন্তি প্ৰজ্বলন কৰি কাতি বিহু উদযাপন কৰা হয় ৷ বিজেপিৰ চৰাইদেউ জিলা কৃষক মৰ্চাৰ সভাপতি দেৱজিত চাউৰকে আঁত ধৰা অনুষ্ঠানত বিশিষ্ট অতিথি হিচাপে অসম চৰকাৰৰ কেবিনেট মন্ত্ৰী যোগেন মহন, বিজেপিৰ চৰাইদেউ জিলা সমিতিৰ সভাপতি লক্ষ্মীনাথ তাচা, উপ সভাপতি ৰ'জ কমল মহন, মাহমৰা গ্ৰাম্য মণ্ডলৰ সভাপতি হৰেণ গগৈকে ধৰি বহুসংখ্যক দলীয় কাৰ্যকৰ্তা আৰু স্থানীয় ৰাইজ উপস্থিত থাকে ৷ অনুষ্ঠানত অংশগ্ৰহন কৰি মন্ত্ৰী যোগেন মহনে ৰাইজক বিহুৰ ওলগ জনোৱাৰ লগতে ৰাইজৰ লগত আকাশ বন্তি প্ৰজ্বলন কৰি সকলোকে কাতি বিহুৰ পৰম্পৰা ৰক্ষা কৰিবলৈ আহ্বান জনায় ৷