निमगावच्या शेतकऱ्याचे आपल्या लाडक्या बैलाविषयी प्रेम पहा
आकाश भोरडे
तळेगाव ढमढेरे, प्रतिनिधी
आपल्या लाडक्या बैलाचा मृत्यू झाल्याने शेतकऱ्याने चक्क बैलाचा दशक्रिया विधी आयोजित केला आहे.
निमगाव दावडी (ता.खेड) येथे लोणकरवाडी येथील निलेश शिवाजी लोणकर यांच्या 'सर्जा' या बैलाचे बुधवार (दि.१२) रोजी आकस्मिक दुख:द निधन झाले.सर्जा हा कुटुंबातील तसेच परिसरातील सर्वाचा लाडका होता.त्यामुळे त्याच्या मृत्यूनंतर एक आठवण म्हणून शुक्रवार (दि.२१) रोजी सकाळी साडेआठ वाजता कमळादेवी मंदीर,लोणकरवाडी (ता. खेड) येथे 'सर्जा' या बैलाचा दशक्रिया विधी आयोजित केला असुन यावेळी ह.भ.प.विलास महाराज वाघ (केंदूर) यांची प्रवचन सेवा होणार असल्याचे निलेश लोणकर यांनी सांगितले.
