सोमवार (दि.१७) रोजी रात्री झालेल्या मुसळधार पावसामुळे तळेगाव-शिक्रापुर रस्त्यावरील मुरळ ओढ्याच्या पुलावरून मोठ्या प्रमाणावर पाणी वाहत असून तळेगाव व शिक्रापूर हि वाहतुक ठप्प झाली आहे. त्यामुळे वाहनांच्या लांबच लांब रांगा लागल्याच्या पाहायला मिळतात. त्याच बरोबर या ओढ्याच्या पुलावर गेल्या अनेक दिवसापासून मध्यभागी मोठ्या खड्डा पडला असून अद्यापही तो खड्डा दुरुस्त न केल्याने यामध्ये अनेक दुचाकी चालकाच्या दुचाकी अडकून अपघात होण्याची शक्यता नाकारता येत नाही.