लांजा : बिबट्याने पुन्हा एकदा लांजा शहरातील मानवी वस्तीकडे आपला मोर्चा वळवला असून लांजा सीनियर कॉलेज परिसरात या बिबट्याचा मानवी वस्तीत संचार सुरू झाल्याने येथील नागरिकांमध्ये भीतीचे वातावरण निर्माण झाले आहे.

लांजा शहर परिसरातील वाडी वस्त्यांवर वर्षभरापूर्वी बिबट्याने आपला मोर्चा वळवला होता. यामध्ये लांजा शेट्येवाडी येथे शेतकऱ्यांचे गोठ्यातील वासरावर हल्ला केला होता. तर धुंदरे या ठिकाणी देखील कुत्रा व गुरांवर हल्ले केले होते . त्यानंतर पुन्हा एकदा या बिबट्याने मानवी वस्तीकडे आपला मोर्चा वळवला आहे. काहीच दिवसांपूर्वी लांजा सीनियर कॉलेज परिसरात असलेल्या प्राध्यापक शेवडे यांच्या घराच्या बाहेरील कुत्र्याचे पिल्लू या बिबट्याने उचलून नेले होते. ही घटना प्रा. शेवडे यांच्या सीसीटीव्ही कॅमेऱ्यात कैद झालेली आहे.