অবিভক্ত শিৱসাগৰ জিলাৰ এখন উল্লেখযোগ্য শিক্ষানুষ্ঠান দলবাগান উচ্চতৰ মাধ্যমিক বিদ্যালয় । ১৯১৯ চনত স্থাপিত বিদ্যালয় খনে এশটা বৰ্ষ অতিক্ৰম কৰাত শতবৰ্ষ সামৰণি অনুষ্ঠানৰ আয়োজন কৰা হৈছে ৪, ৫ আৰু ৬ নৱেম্বৰত । সামৰণি অনুষ্ঠানৰ লগত সংগতি ৰাখি সামৰণি অনুষ্ঠান উদযাপন সমিতিৰ দ্বাৰা ইতিমধ্যে বিভিন্ন কাৰ্যসূচী হাতত লৈছে । ইয়াৰে অংশ হিচাপে আজি বিদ্যালয়ত আয়োজন কৰা হয় আন্ত বিদ্যালয় কুইজ প্ৰতিযোগিতা । এই প্ৰতিযোগিতা পৰিচালনা কৰে শুভ্ৰজ্যোতি শ্যামে ।