औरंगाबाद : सातारा परिसरात व्यवसाय करतो असे सांगितले . तसेच व्यापाऱ्यांकडून दैनंदिन , साप्ताहीक , पंधरवाडी आणि मासिक वर्गणी घेवून चालवित , तुम्ही भिसीमध्ये पैसे गुंतवा असे फिर्यादीला म्हणाला . आरोपींनी चांगला परतावा मिळवण्याचे आमिष दाखवून कपंनीचे पासबूक दाखवले . तसेच दहमहा 250 रुपये भरल्यास 335 दिवसांचे 83 हजार 750 हजार होतात . 400 व्या दिवशी तुम्हाला एक लाख रुपये मिळतील असे सांगितले . तसेच दररोज पैसे घेण्यासाठी मजहर खान येतील असे सांगितले . गंडा घातला 30 ऑक्टोबर 2018 पासुन मजहरखान हा फिर्यादी व त्यांचा भाऊ दीपक कांबळे यांच्याकडून २५० रुपये प्रमाणे भिसीचे पैसे नेवू लागला . फिर्यादीने 335 दिवसांचे पैसे भरल्यानंतर 400 व्या दिवशी परतव्याचे एक लाख रुपये मागितले . मात्र , आरोपींनी तुम्ही आणखी एक भिसी सुरू करा असा आग्रह धरला त्यानुसार , फिर्यादीने 1500 रुपये प्रमाणे भिसी भरण्यास सुरवात केली . त्यानूसार फिर्यादीने ४१ दिवसांचे 61 हजार 500 रुपयांची भिसी जमा केली . 2 जानेवारी 2020 रोजी आरोपी बजाज हा पसार झाल्याचे फिर्यादीला झाल्याचे फिर्यादीला समजले . आरोपींनी फिर्यादीला एक लाख 45 हजार 250 रुपयांचा गंडा घातला . इतक्यांना गंडवले फिर्यादीप्रमाणेच सूरज दाभाडे यांना आठ लाख , किरण उबाळे यांना 2 लाख 86 हजार , ज्ञानेश्वर सुर्यवंशी यांना 9 लाख 50 हजार , सुधाकरघाटे यांना अडीच लाख , राजेश झवर यांना 7 लाख 35 हजार , प्रकाश आंधळे यांना तीन लाख 95 हजार , कृष्णा इधाटे यांना दहा लाख , कुशल शहाणे यांना 69 हजार तर स्वाती शिंगटे यांना पाच लाखांचा गंडा घातल्याचे उघकीस आले . तपासादरम्यान आरोपींनी सुमारे 70 जणांची दोन कोटी 11 लाख 88 हजार 126 रुपयांना गंडा घातल्याचे समोर आले आहे