হৰদত্ত-বীৰদত্ত ক্ৰীড়া সংঘৰ উদ্যোগত আৰু বেজেৰা কেন্দ্ৰীয় য়ুৱক সংঘৰ সহযোগত পঞ্চম বাৰ্ষিক "চি. এম. ছেম্পিয়নছ ট্ৰফীৰ" ৪ৰ্থ কোৱাৰ্টাৰ ফাইনেল খেলখন আজি ১২ অক্টোবৰ তাৰিখে বেজেৰা মিনি ষ্টেডিয়াম ত ফেৰেংগা ফুটবল ক্লাৱ (চিৰাং) বনাম বৰ্ণিহাট ফুটবল ক্লাৱ (মেঘালয়) ৰ মাজত অনুষ্ঠিত হৈ যায় ৷ বিয়লি প্ৰায় ৩ বজাত অনুষ্ঠিত উক্ত খেলখন শুভ উদ্বোধন কৰে মুখ্যমন্ত্ৰী বিশেষ কৰ্তব্যৰত বিষয়া (OSD) হেমন্ত চৌধুৰীয়ে ৷ খেলখনত উপস্থিত থাকে হৰদত্ত-বীৰদত্ত ক্ৰীড়া সংঘৰ সভাপতি,ভাৰতীয় জনতা পাৰ্টিৰ ৰাজ্যিক সভাপতি তথা ৰঙিয়া সমষ্টিৰ বিধায়ক ভৱেশ কলিতা, মুখ্যমন্ত্ৰীৰ ব্যক্তিগত সহায়ক প্ৰাণজিৎ ডেকা,ভাৰতীয় জনতা পাৰ্টী বেজেৰা মণ্ডলৰ সভাপতি দিলীপ ডেকা,বেজেৰা জিলা পৰিষদৰ সদস্য অনিলৰাজ ডেকা আৰু বেজেৰা গাঁৱৰ গাঁওপ্ৰধান দণ্ডধৰ ভূঞা ৷ বুধবাৰৰ চতুৰ্থখন কোৱাৰ্টাৰ ফাইনেল খেলত চিৰাঙৰ ফেৰেংগা ফুটবল দলে মেঘালয় বৰ্ণিহাট ফুটবলক দলক ৪-১ গলৰ ব্যৱধানত পৰাভূত কৰে ৷