વઢવાણ 80 ફૂટ રોડ ઉપર આવેલ દેવ પાર્ક સોસાયટીમાં ઝેરી દવા ગટગટાવી અને યુવાને આત્મહત્યાનો પ્રયાસ કર્યો હતો ત્યારે તેને ઝેરી દવાની વધુ પ્રમાણમાં અસર થવાના કારણે તેને તાત્કાલિક અસરે દવાખાને ખસેડવામાં આવ્યો હતો પણ સારવાર મળે તે પહેલા જ યુવાનનું મોત નિપજયું હતું. આ અંગેની જાણકારી વઢવાણ બી ડિવિઝન પોલીસને આપવામાં આવતા તાત્કાલિક અસરે ઘટના સ્થળ ઉપર આવી અને તપાસ હાથ ધરી રહી છે ત્યારે જાણવા મળતી વિગતો અનુસાર વઢવાણ શહેરના 80 ફુટ રોડ ઉપર આવેલદેવ પાર્ક સોસાયટીમાં રહેતા ઋત્વિક ભાઈ પટેલ મૂળ ધાંગધ્રા તાલુકાના ગાજણ વાવ ગામના રહેવાસી છે અને હાલમાં છેલ્લા કેટલાક સમયથી સુરેન્દ્રનગર શહેરના વઢવાણ રોડ ઉપર આવેલ 80 ફૂટના રોડ ઉપર દેવ પાર્કમાં રહે છે ત્યારે તેમના ઘરે જ પોતાના અગમ્ય કારણોસર ઝેરી દવા ગટગટાવી લેતા તેને સારવાર માટે સુરેન્દ્રનગર શહેરની હોસ્પિટલે ખસેડવામાં આવ્યો હતો પરંતુ સારવાર મળે તે પહેલા જ ઋત્વિક પટેલનું મોત નીપજ્યું હતું ત્યારે વઢવાણ બી ડિવિઝન પોલીસ મથકે અંગેની જાણકારી આપતા પોલીસ ઘટના સ્થળે પહોંચી અને હાલમાં તપાસ હાથ ધરી છે.