নলবাৰী জিলাৰ ঘগ্ৰাপাৰ প্ৰাথমিক স্বাস্থ্য কেন্দ্ৰৰ অন্তৰ্গত বুৰবুৰী উপস্বাস্থ্যকেন্দ্ৰৰ অৱস্থাই সচেতন ৰাইজৰ চকু কপালত উঠাইছে৷দীৰ্ঘবছৰ ধৰি উপস্বাস্থ্যকেন্দ্ৰটোৰ গৃহটোৰ কোনো মেৰামতি কৰা হোৱা নাই৷যাৰফলত কেন্দ্ৰটোৰ গৃহৰ দৰ্জা খিৰিকি বোৰ ভাঙি পুতৌজনক হৈ পৰাৰ লগতে গৃহটোৰ মজিয়াৰ পকী উখহি চকলাচকল এৰি যোৱাৰ ফলত কদৰ্য্যময় পৰিবেশৰ সৃষ্টি হৈছে৷বৰ্তমান চৰকাৰে স্বাস্থ্য খণ্ডত ব্যাপক পৰিবৰ্তন সাধন কৰা বুলি সভাইসমিতিয়ে ঢাকঢোল বজালেও প্ৰকৃত উন্নয়নৰ ছবি উক্ত কেন্দ্ৰটোত স্পষ্ট হৈ পৰিছে৷ভূক্তভোগি ৰাইজে শিঘ্ৰে কেন্দ্ৰটোৰ আন্তঃগাঁথনি মজবুত কৰাৰ লগতে গৃহটো মেৰামতি কৰাৰ বাবে চৰকাৰ তথা জনপ্ৰতিনিধিক দাবী জনাইছে৷