জ্যোতিপ্ৰসাদ আগৰৱালাৰ কালজয়ী নাটক "লভিতা"ক আৱাহন থিয়েটাৰৰ মঞ্চত বিকৃত ৰূপত উপস্থাপন কৰা বুলি অভিযোগ উত্থাপন হোৱাৰ সময়তে ৰাজ্যৰ কেবিনেট মন্ত্ৰী বিমল বড়াই নিজৰ প্ৰতিক্ৰিয়া প্ৰকাশ কৰিছে। সমগ্ৰ বিষয়টো সন্দৰ্ভত যিহেতু বিদ্বৎ সমাজে সমালোচনা কৰিছে সয়েহে নাট্য গোষ্ঠীটোৱে এই ক্ষেত্ৰত সুস্পষ্ট মতামত দিয়া ভাল বুলি মন্তব্য মন্ত্ৰী গৰাকীৰ। আনহাতে সাংস্কৃতিক ক্ষেত্ৰখনত যি বিতৰ্ক সৃষ্টি হৈছে সেই ক্ষেত্ৰত নিৰাময়ৰ দায়িত্বও সংশ্লিষ্ট নাট্যগোষ্ঠীৰ বুলি মন্তব্য মন্ত্ৰী বিমল বড়াৰ।