গোলাঘাট টাউনৰ থানা চাৰিআলি এলেকাত মাজনিশা সংঘটিত হয় এক ভয়ানক অগ্নিকাণ্ড। লুচিয়াচ কিটচেন নামৰ এখন ৰেষ্টুৰেণ্টৰ পৰা জুইৰ সূত্ৰপাত ঘটাত ব্যাপক ক্ষতিগ্ৰস্ত হয় তিনিটাকৈ ব্যৱসায়িক প্ৰতিস্থান। গোলাঘাট আৰক্ষী থানাৰ সন্মুখৰ বিল্ডিংটোত সংঘটিত অগ্নিকাণ্ডৰ ঘটনাটোত প্ৰায় ত্ৰিশ লাখ টকাৰ সম্পত্তি নষ্ট হয়। অৱশ্যে অগ্নিনিৰ্বাপক বাহিনীৰ তাৎক্ষণিক তৎপৰতাৰ ফলত অধিক ক্ষয় ক্ষতিৰ পৰা ৰক্ষা পৰে বৃহৎ ব্যৱসায়িক অঞ্চলটো। স্থানীয় লোকে অনুমান কৰা মতে লুচিয়াচ কিটচেন নামৰ ৰেষ্টুৰেণ্টখনৰ ৰান্ধনীশালত হোৱা ইলেকট্ৰিক শ্বৰ্ট চাৰ্কিটৰ ফলতে অগ্নিকাণ্ডটোৰ সূত্ৰপাত ঘটে। ইফালে, ৰেষ্টুৰেণ্টখনৰ ৰান্ধনী শালৰ পৰা অগ্নিনিৰ্বাপক বাহিনীৰ লোকে ১১ টাকৈ এলপিজি চিলিণ্ডাৰ কৌশলেৰে বাহিৰ কৰাত নিশ্চিত অঘটনৰ পৰা ৰক্ষা পৰে অঞ্চলটো। অগ্নিনিৰ্বাপক বাহিনীৰ লোকৰ অভিযোগ অনুসৰি লুচিয়াচ কিটচেন নামৰ ৰেষ্টুৰেণ্টখনে নিয়ম উলংঘা কৰি বাণিজ্যিক গেছ চিলিণ্ডাৰৰ পৰিবৰ্তে আঠটাকৈ ঘৰুৱা চিলিণ্ডাৰ ব্যৱহাৰ কৰিছিল ৰান্ধনীশালত। ৰেষ্টুৰেণ্টখনৰ ৰান্ধনীশালৰ লগতে সমবায় সমিতিৰ এটা কাৰ্যালয় আৰু আন এখন ব্যৱসায়িক প্ৰতিস্থান অগ্নিকাণ্ডটোত ক্ষতিগ্ৰস্ত হয়। উল্লেখযোগ্য যে, অগ্নিকাণ্ডৰ সময়ত ব্যৱসায়িক প্ৰতিস্থানকেইটাত এজনো কৰ্মচাৰী উপস্থিত