ৰাজ্যৰ বিভিন্ন প্ৰান্তত আজিও অব্যাহত আছে চোৰাং কয়লাৰ ৰমৰমীয়া বেহা । মেঘালয়ৰ বৰ্নিহাটৰ পৰা নিতৌ অসমৰ বিভিন্ন প্ৰান্তলৈ অবৈধভাবে সৰবৰাহ হয় চোৰাং কয়লা। মঙ্গলবাৰে মৰিগাওঁ আৰক্ষীয়ে নগৰৰ মাজমজিয়াৰ শিব মন্দিৰৰ কাষৰ পৰা জব্দ কৰে এনে এখন অবৈধ কয়লা ভৰ্তি বাৰচকীয়া ট্ৰাক। NL 01 AG 1240 নম্বৰৰ ১২ চকীয়া ট্ৰাকখনত প্ৰায় ৩৮ টন চোৰাং কয়লা সৰবৰাহ কৰিছিল।ঘটনা সন্দৰ্ভত আৰক্ষীয়ে চাৰিজন সৰবৰাহকাৰী ক্ৰমে শিলচৰৰ নজৰুল ইছলাম ভুঞা আৰু বিল্লাল উদ্দিন তালুকদাৰৰ লগতে নেলীৰ আকবৰ আলী আৰু আমোল হকক গ্ৰেপ্তাৰ কৰি জেল হাজোতলৈ প্ৰেৰণ কৰিছে ।