মঙলবাৰে অসম আৰক্ষীয়ে এক বৃহৎ সফলতা লাভ কৰে। আৰক্ষীৰ অভিযানকাৰী এটা দলে কাৰ্বি আংলঙৰ পৰা হেৰ’ইন, মৰ্ফিনকে ধৰি ১৫ কোটি টকাৰ নিচাজাতীয় সামগ্ৰী জব্দ কৰিবলৈ সক্ষম হয়।
এই ঘটনাৰ সৈতে জড়িত কমেও তিনিজন লোকক গ্ৰেপ্তাৰ কৰে।
আৰক্ষীয়ে জনোৱা মতে, সৰবৰাহকাৰী তিনিজনে মণিপুৰৰ পৰা এখন বাহনত ড্ৰাগছখিনি আনিছিল আৰু পশ্চিমবংগৰ শিলিগুৰি অভিমুখে গৈ আছিল।
আৰক্ষীয়ে জনোৱা মতে, জব্দ কৰা সামগ্ৰীসমূহৰ ভিতৰত আছে ৩৮০ গ্ৰাম হেৰ’ইন, এক কেজি মৰ্ফিন আৰু দুই কেজি মেথামফেটামাইন। ইয়াৰ মূল্য আন্তঃৰাষ্ট্ৰীয় মানদণ্ড অনুসৰি প্ৰায় ১৫ কোটি টকা হ’ব বুলি অনুমান কৰা হৈছে।
