তিনিচুকীয়া জিলা তালাপ আৰক্ষী চকীৰ অন্তৰ্গত খোবাং চাহ বাগিছাৰ NG ২৮ নম্বৰ বাগানৰ মাজত মানুহৰ এক কংকাল পৰি থকা পৰিলক্ষিত হয়। বাগানত কৰ্মৰত থকা চকীদাৰ দুজনে চাৰিও পাশে আজি পুৱা টহল দি থকাৰ অৱস্থাত কংকালটোক দেখা পাই স্থানীয় বাগিছাৰ কৰ্মৰত থকা মহৰি এলবাৰ্ট এক্কাক খবৰ দিয়ে। লগে লগে বাগিছাৰ মেনেজমেণ্টে তালাপ আৰক্ষী চকীত খবৰ দিয়ে। তালাপ আৰক্ষী চকীৰ ভাৰপ্ৰাপ্ত আৰক্ষী বিষয়া দিলপ দাসৰ আৰক্ষীৰ দল এটা আহি বাগানত পৰি থকা কংকালটোক উঠাই লৈ যায়।