औरंगाबाद : एमआयएमच्या जिल्हाध्यक्षपदी पुन्हा समीर साजिद बिल्डर , तर शहराध्यक्षपदी शारेक नक्षबंदी यांची नियुक्ती करण्यात आली . काही महिन्यांपूर्वी पक्षाची कार्यकारिणी बरखास्त करण्यात आली होती . त्यामुळे संघटनात्मक कामे संथ झाली होती . त्यामुळे खासदार इम्तियाज जलील यांनी पुन्हा या दोघांनाच संधी दिली . कामगार सेलच्या अध्यक्षपदी काकासाहेब काकडे , यूथच्या अध्यक्षपदी मोहंमद असरार यांची निवड झाली आहे . दुसरीकडे पक्षाचे मनपातील माजी स्वीकृत सदस्य अबुल हसन हाश्मी यांच्यावर पदाधिकाऱ्यांवर निराधार आरोप केल्याप्रकरणी सहा महिन्यांसाठी निलंबनाची कारवाई करण्यात आली आहे