কাজিৰঙাৰ ৰাজপথত দুৰ্ঘটনাত পতিত হোৱা গঁড় বিচাৰি অভিযান বনকৰ্মীৰ। হাতীৰ সহায়ত ঘন জংঘলত পুৱাৰ পৰা অভিযান চলাইছে কহঁৰা বনাঞ্চলৰ বনকৰ্মীয়ে। উল্লেখ্যে যে শনিবাৰে দিনৰ ভাগত কাজিৰঙাৰ হালধীবাৰী এনিমেল কৰিডৰত ট্ৰাকৰ খুন্দাত গুৰুতৰভাৱে আঘাতপ্ৰাপ্ত হৈছিল এটা গঁড়। গুৱাহাটী অভিমুখি WB 91 6749 নম্বৰৰ ট্ৰাকখনে ৰাজপথলৈ ওলাই অহা গঁড়টোক খুন্দিয়াই পলায়ন কৰে। পৰৱৰ্তী সময়ত আৰক্ষী আৰু বন বিভাগে জব্দ কৰি ৯ হাজাৰ টকা জৰিমণা বিহে ট্ৰাকখনক। বৰ্তমানেও গঁড়টোৰ সন্ধানত অভিযান অব্যাহত ৰাখিছে বন বিভাগে।