নাৰায়ণপুৰ লেখিকা সমাৰোহ সমিতিৰ উদ্যোগত নাৰায়ণপুৰ জ্যেষ্ঠ নাগৰিক সন্মিলনৰ কাৰ্যালয়ত আজি দুখনকৈ গ্ৰন্থ উন্মোচন কৰা হয় ৷ নাৰায়ণপুৰ লেখিকা সমাৰোহ সমিতিৰ সভানেত্ৰী দীপিকা হাজৰিকা দত্তৰ প্ৰৱন্ধ সংকলন “ভিন্ন চিন্তা” আৰু দময়ন্তী ফুকন হাজৰিকাৰ কবিতা সংকলন “অনুভৱৰ কৰণি” নামৰ গ্ৰন্থ দুখন উন্মোচন কৰা হয় ৷ ভিন্ন চিন্তা নামৰ গ্ৰন্থখন উন্মোচন কৰে লখিমপুৰ জিলা লেখিকা সমাৰোহ সমিতিৰ সভানেত্ৰী জয়া সেনাপতিয়ে আৰু অনুভৱৰ কৰণি গ্ৰন্থ খন উন্মোচন কৰে নাৰায়ণপুৰ আদৰ্শ চিকিৎসালয়ৰ জ্যেষ্ঠ চিকিৎসক ডা° অতুল খাউন্ডে ৷ আজি বিয়লি অনুষ্ঠিত গ্ৰন্থ উন্মোচনী সভা খন বন্তি প্ৰজ্বলনেৰে শুভাৰম্ভ কৰে নাৰায়ণপুৰৰ বিশিষ্ট সমাজসেৱক কমলানন্দ দত্তই ৷ নাৰায়ণপুৰ লেখিকা সমাৰোহ সমিতিৰ প্ৰাক্তন সভানেত্ৰী কনমাই বৰুৱাৰ সভাপতিত্ব অনুষ্ঠিত গ্ৰন্থ উন্মোচনী সভাখনত উপস্থিত থাকে শিক্ষাবিদ গিৰীশ চন্দ্ৰ ভূঞা , জীৱন ভূঞা , মাধৱ দত্ত , যোগেন্দ্ৰ নাথ দত্ত , সত্যজিৎ দত্ত , উমা ভূঞা , বীৰেন শৰ্মাকে ধৰি বহুকেইজন বিশিষ্ট ব্যক্তি , সাহিত্যনুৰাগী আৰু লেখিকা সমাৰোহ সমিতিৰ সদস্যাসকল উপস্থিত থাকে ৷