বেদেতীৰ নিৱাসী দিলীপ আগৰৱালাৰ জীয়ৰী চুইটি আগৰৱালাই ২০২১ বৰ্ষৰ CA পৰীক্ষাত সুখ্যাতিৰে উত্তীৰ্ণ হৈছে। ছাত্ৰী গৰাকীয়ে মৰ্ণিংষ্টাৰ হাইস্কুল, বৰঙাবাৰীৰ পৰা দুহেজাৰ পোন্ধৰ বৰ্ষত হাইস্কুল শিক্ষান্ত পৰীক্ষাত উত্তীৰ্ণ হৈ গুৱাহাটী কমাৰ্চ কলেজৰ পৰা স্নাতক হোৱাৰ পিছত গুৱাহাটী বিশ্ববিদ্যালয়ৰ স্নাতকোত্তৰ পাঠ্যক্ৰমৰ অন্তৰ্ভুক্ত আছিল। মৰ্ণিং ষ্টাৰ হাইস্কুলৰ পৰিচালন সঞ্চালক যাদৱ চলিহাকে ধৰি বিদ্যালয়খনৰ অধ্যক্ষ আৰু শিক্ষক শিক্ষয়িত্রী সকলে প্ৰাক্তন ছাত্রী গৰাকীৰ এই সাফল্যত উৎফুল্লিত হৈ পৰাৰ লগতে তেওঁ ভৱিষ্যতে অসমৰ এগৰাকী ভাল CA হিচাপে নিষ্ঠা আৰু সমৰ্পিত মন লৈ কাম কৰি যাব বুলি আশা প্ৰকাশ কৰে।