মন্ত্ৰী বিমল বড়াৰ টিংখাঙৰ বাসগৃহৰ চৌহদত শুনিবলৈ পোৱা গল সুন্দৰ সুন্দৰ জনপ্ৰিয় কালজয়ী গীত। টিংখাঙৰ সমীপৰ ৰহণ গোহাঁই গাঁৱৰ নিবাসী জুবিন গাৰ্গৰ অনুৰাগী উদিয়মান কণ্ঠ শিল্পী ভাস্কৰ ফুকনে শুনালে এটাৰ পিছত আনটো জুবিন গাৰ্গৰ জনপ্ৰিয় গীত ।গীত শুনি মন্ত্ৰী বড়াই ৰবনোৱাৰি বড়াই ও জুৰিলে কালজয়ী গীতৰ কলি।ভাস্কৰ ফুকন আৰু মন্ত্ৰী বিমল বড়াৰ গীতৰ যুগল বন্দীত মন্ত্ৰীৰ বাসগৃহৰ চৌহদৰ পৰিৱেশ জিপাল হৈ পৰে। আনহাতে ফুকনে ভৱিষ্যতে এজন কন্ঠশিল্পী হোৱাৰ সপোন লৈ সহায়ৰ হাত বিচাৰিহে আজি পুৱাৰ ভাগত উপস্থিত হৈছিল টিংখাঙৰ বিধায়ক মন্ত্ৰী বিমল বড়াৰ বাসগৃহত । কণ্ঠ শিল্পী ভাস্কৰ ফুকনৰ গীতত মুগ্ধ হৈ মন্ত্ৰী বড়াই এখন গীটাৰ দিয়াৰ ওপৰিও আৰ্থিক ক্ষেত্ৰত কিছু সহায়ৰ হাত আগবঢ়োৱাৰ কথা দিয়ে।