শাৰদীয় দুৰ্গাপূজাৰ আনন্দ উল্লাসৰ মাজতে ছিপাঝাৰত নিশা সংঘটিত হৈছে ভয়ানক পথ দুৰ্ঘটনা।
দুৰ্ঘটনাত মৃত্যু হয় এগৰাকী ছাত্ৰৰ।
ছিপাঝাৰৰ দুমুনিচকী-কুৰুৱা পথৰ খানাপাৰাত সংঘটিত হয় দুৰ্ঘটনাটো।
গণেশকুঁৱৰীৰ পৰা নিশা ১ বজাত পূজা চাই চাইকেলেৰে ঘৰলৈ উভতিছিল চহৰীয়াপাৰাৰ যুৱক কিশোৰ চহৰীয়া।
সমুখৰ পৰা অহা উদণ্ড বাইক আৰোহীৰ বাইকৰ খুন্দাত গুৰুতৰভাৱে আঘাতপ্ৰাপ্ত হয় উচ্চতৰ মাধ্যমিক দ্বিতীয় বাৰ্ষিকৰ ছাত্ৰজন।
GMCHত চিকিৎসাধীন অৱস্থাত মৃত্যু হয় কিশোৰ চহৰীয়াৰ।
প্ৰত্যক্ষদৰ্শীৰ মতে দুৰ্ঘটনা সংঘটিত কৰা বাইকখনত উঠি আহিছিল তিনিজনকৈ যুৱক।
কুৰুৱা অভিমুখী AS01 AL 1545 পালচাৰ বাইকে প্ৰচণ্ড জোৰৰে খুন্দয়াই ।
ফলত গুৰুতৰভাৱে মুৰ আৰু মুখত আঘাত পায় কিশোৰে ।
নিশা সুৰাপান কৰি অহা যুৱকে এই ঘটনা সংঘটিত কৰা অভিযোগ উত্থাপন কৰিছে স্থানীয় ৰাইজে ।
সুৰীয়া কণ্ঠৰ অধিকাৰী, ভাল বিহুৱা হিচাপে পৰিচিত যুৱকজনৰ মৃত্যুত অঞ্চলটোত শোকৰ ছাঁ পৰিছে।
