সোণাৰিত শংকৰদেৱৰ জন্মজয়ন্তীৰ আয়োজন

চৰাইদেউ জিলা অসম সত্ৰ মহাসভাৰ উদ্যোগত দুদিনীয়া কাৰ্যসূচীৰে গুৰুজনাৰ ৫৭৪ সংখ্যক জন্মজয়ন্তীৰ আয়োজন কৰা হৈছে সোণাৰি  সোণালী পাম নামঘৰত। সোণাৰি সোণালীপাম নামঘৰত অনুষ্ঠিত হোৱা দুদিনীয়া কাৰ্যসূচীৰ কালি প্ৰথমটো দিনত পুৱা ধৰ্ম ধ্বজা উত্তোলন কৰে চৰাইদেউ জিলা সত্ৰ মহাসভাৰ সভাপতি প্ৰফুল্ল মহনে। সম্পাদক প্ৰমোদ মহন্তই স্মৃতি তৰ্পণ কৰাৰ লগতে সহযোগী তৰ্পক হিচাপে উপস্থিত থাকে উদযাপন সমিতিৰ সভাপতি অতুল দত্ত আৰু কাৰ্যকৰী সভাপতি ৰাতুল শইকীয়া।  আনহাতে সমন্বিত যুৱ তীৰ্থৰ চৰাইদেউ জিলা সমিতিৰ সভাপতি বিপুল বৰুৱা, জবকা হাবি সোণালী পাম নামঘৰৰ নামঘৰীয়া দিলীপ গগৈয়ে বৃক্ষ ৰোপন কৰা পাছতে নামাচাৰ্য মনেশ্বৰ বড়াই নাম প্ৰসংগ আৰম্ভ কৰে। আৰু অহা কালিলৈ সোণাৰি সোণালীপাম নামঘৰত আমন্ত্ৰিত ভাওৰীয়া আৰু স্থানীয় ভাওৰীৰ মাজত এখনি ৰামায়নৰ ভাওনা অনুস্থিত হব ।