সুব্ৰত কাপ : বেঙেনাবাৰীৰ দ্বিতীয় জয় !

নতুন দিল্লীত চলি থকা সুব্ৰত কাপ ১৭ বছৰ অনুৰ্দ্ধ আন্তৰ্জাতিক স্কুল ফুটবল প্ৰতিযোগিতাৰ আজিৰ খেলত অসমক প্ৰতিনিধিত্ব কৰা বামপথাৰ বেঙেনাবাৰী উচ্চতৰ মাধ্যমিকে বিহাৰৰ কেজৰীৱাল প্লাছ-টু স্কুলক ৩-০ গলত হৰুৱায় । চৰাইদেউ জিলাৰ দলটোৱে কালি পুল জিৰ প্ৰথম খেলত গুজৰাটৰ ছুৰাটৰ ফাউন্টেইন হেড স্কুলকো ৩-০ গলত পৰাজিত কৰিছিল । বেঙেনাবাৰীৰ হৈ আজি নৱজ্যোতি টাৱে দুটা আৰু বিকাশ লিকচনে এটা গল দিয়ে । আনহাতে কালিৰ খেলত ভূষণ সোণোৱালে দুটা আৰু আনটো গল দিছিল পদ্ম দলেই । পুলত কাইলৈ বেঙেনাবাৰীৰ গুৰুত্বপূৰ্ণ খেল নগালেন্ডৰ প্ৰতিপক্ষৰ বিৰুদ্ধে ।