મહેસાણા :આગામી વિધાનસભા ચૂંટણીને લઈ હાલમાં મહેસાણા જિલ્લા સહિત ગુજરાતભરમાં પોલીસકર્મીઓની બદલીઓ થઈ રહી છે.ત્યારે મહેસાણા જિલ્લામાં પોલીસકર્મીઓની બદલીઓને લઈ ક્યાંક ખુશી તો ક્યાંક ગમોના દ્રશ્ય જોવા મળતા હોય છે.ત્યારે મહેસાણા જિલ્લા LCBમાં ફરજ બજાવતા પી.આઈ.વાળાની બદલી અન્ય જિલ્લામાં થતા પોલીસ કર્મીઓએ તેઓને વિદાય આપી હતી. મહેસાણા જિલ્લા LCB માં ફરજ બજાવતા અજીતસિંહ વાળાની ભાવનગર ખાતે બદલી થતા પોલીસકર્મીઓએ ગઈકાલે સાંજે પી.આઇ વાળાની LCB ઓફિસ ખાતે પોલીસકર્મીઓ એકત્રિત થઈ માથે સાફો બંધાવી ઢોલ નગડા સાથે LCB ઓફિસથી પી.આઈ વાળાને ઘોડી પર બેસાડી વિદાય આપવામાં આવી હતી.વિદાય દરમિયાન કહી ખુશી કહી ગમ જેવો માહોલ જોવા મળ્યો હતો.તેમજ પોલીસ કર્મીઓ ઢોલ નગડા ના તાલે ઝૂમી ઉઠ્યા હતા.