লখিমপুৰ জিলা দিৱস আৰু গান্ধী জয়ন্তীৰ দিনাই নাৰায়ণপুৰ উন্নয়নখণ্ডৰ পানবাৰী গাঁও পঞ্চায়তৰ ছটাকৈ পৰিয়ালৰ মাজত দেখিবলৈ পোৱা গৈছে আনন্দৰ বন্যা। পঞ্চায়তটোত চৰকাৰী আঁচনিয়ে চুবলৈ সক্ষম হৈছে পিছপৰা লোকসকলক। পঞ্চায়তটোৰ কৰ্মচাৰীসকলৰ বাবেই আজিৰ দিনটোতেই তিনিটাকৈ পৰিয়ালে প্ৰধানমন্ত্ৰী আবাস যোজনাৰ গৃহত প্ৰবেশ কৰিবলৈ সক্ষম হৈছে। সম্পূৰ্ণ আধ্যাত্মিক পৰিবেশৰ মাজেৰে পানবাৰী গাওঁ পঞ্চায়তৰ সভানেত্ৰী দিপ্তী দেউৰীয়ে ফিটা কটাৰ পিছতেই ক্ৰমে ৰামদাস দাস নায়ক,পুতলী বণিয়া আৰু জীতেন বনিয়া পৰিয়ালে গৃহত প্ৰবেশ কৰে। সমান্তৰালভাৱে MGNREGA আঁচনিৰ অধীনত তিনিগৰাকীকৈ লোকক স্বাৱলম্বী হ'বলৈ প্ৰদান কৰে আই বি এছ। উক্ত আটাকেইটা কাৰ্যসূচীতে উপস্থিত থাকে পানবাৰী পঞ্চায়তৰ সচিব ইলা শইকীয়া,জি আৰ এছ কৃষ্ণ নেওঁগ,জিপিচি নিলোৎপল নেওঁগ আৰু ৱাৰ্ড সদস্য পিংকি গোৱালা।