औरंगाबाद : मी आता मैदानात उतरलोय, काय होईल ते बघून घेऊ, असे थेट आव्हान शिवसेना नेते चंद्रकांत खैरे यांनी संदिपान भुमरे यांना दिलय. तसेच मी एकनाथ शिंदेंकडून 20 लाख आणले हे सिद्ध करा अन्यथा सुळावर चढा असेही आव्हान दिले आहे. संदिपान भुमरेने कोणाला मोठे होऊ दिले नाही. सगळा खोटरडापणा लावला आहे. मी त्याला मोठं केलं त्याने एक झेंडा देखील लावला नाही, असेही खैरे म्हणाले.हे सर्व आमदार आगामी निवडणुकीत पडतील मी ठामपणे सांगतो असेही खैरे यांनी सांगितले. तसेच पालकमंत्री झाल्यानंतर संदिपान भुमरे यांच्या प्रत्येक निर्णयावर माझ लक्ष आहे, असेही चंद्रकांत खैरे यांनी सांगितले