भाजपचे माजी नगरसेवक दीपक उर्फ बाबा मिसाळ यांच्या मोबाइल क्रमांकावर संपर्क साधून खंडणी मागणाऱ्याला बिबवेवाडी पोलिसांनी तेलंगणातून अटक केली. इम्रान समीर शेख (रा. विकासनगर, घोरपडी गाव) असे अटक केलेल्याचे नाव आहे. याप्रकरणी भाजपचे माजी नगरसेवक दीपक उर्फ बाबा मिसाळ (रा. लष्कर) यांनी बिबवेवाडी पोलीस ठाण्यात फिर्याद दिली होती. शेख याने मिसाळ यांना जीवे मारण्याची धमकी देऊन त्यांना खंडणीची मागणी केली होती. तांत्रिक तपासात आरोपीचे नाव निष्पन्न झाले. त्यानंतर शेख तेलंगणात पसार झाल्याची माहिती मिळाल्यानंतर बिबवेवाडी पोलिसांच्या पथकाने त्याला तेथून ताब्यात घेतले,