शेतात पिकाला पाणी भरत असताना प्रवाह सुरू असलेली विद्युत तार खांबावरून अचानक तुटून पडल्याने शॉक लागून शेतकऱ्याचा मृत्यू झाला . ही घटना सिल्लोड तालुक्यातील बनकिन्होळा येथे शनिवारी पहाटे ५ ते ६ वाजेदरम्यान घडली . हरिबा शेनफड फरकाडे ( रा . बनकिन्होळा ) असे मृत शेतकऱ्याचे नाव आहे . शेतकरी हरिबा शेनफड फरकाडे हे शनिवारी पहाटे त्यांच्या गट क्र . १६० या शेतामध्ये कपाशी पिकाला पाणी देताना खांबावरील विद्युत तार तुटून शॉक लागल्याने त्यांचा जागीच मृत्यू झाला . हरिबा फरकाडे हे घरी न आल्याने त्यांची पत्नी शेताकडे गेली असता न फरकाडे हे शेतात पडलेले दिसून आले . सिल्लोड उपजिल्हा रुग्णालयात दाखल केले असता डॉक्टरांनी तपासून मृत घोषित केले