অসমৰ জনপ্ৰিয় অভিনেত্ৰী, পৰিচালক আইমী বৰুৱাই ৬৮সংখ্যক ৰাষ্ট্ৰীয় চলচ্চিত্ৰ বঁটাত বিশেষ সন্মান লাভ কৰি অসমৰ অভিনয় জগতৰ এক নতুন মাত্ৰা প্ৰদান কৰিলে। আইমী বৰুৱাই পৰিচালনা কৰা প্ৰথমখন ডিমাছা ভাষাৰ ছবি ছেমখৰে ৰাষ্ট্ৰীয় চলচ্চিত্ৰ বঁটাৰ 'ৰজতকম বঁটা" লাভ কৰিছে। ছবি ছেমখৰ (Semkhor)ত কৰা অনবদ্য অভিনয়ৰ বাবে 'জুৰীৰ বিশেষ উল্লেখ' সন্মান প্ৰদান কৰা হৈছে আইমী বৰুৱাক। দুটাকৈ বঁটাৰে উজলি উঠা ছেমখৰে ৰজত কমল আৰু অভিনয় শাখাত জুৰীৰ বিশেষ সম্মান লাভ কৰা আইমী বৰুৱাক ১ আগষ্টত সাক্ষাৎ কৰি জাতীয় বস্ত্ৰ বৰণ কৰি শুভেচ্ছা জ্ঞাপন কৰিলে অসম ক্ৰীড়া বৰ্ডৰ উপাধ্যক্ষ আকাশ ফুকনে।